【Emily】爆眼教師戰直選 設計師挑戰鍾國斌
[2020.07.31] 發表
【明報專訊】喺反修例運動中爆眼嘅教師楊子俊，早排話唔選教育界立法會議席，讓路畀同路人，但原來佢轉戰地區直選，噚日喺港島區直選報名名單上，出現楊子俊個名，報稱民主派教師。
時裝設計師深水埗撲提名
另外，時裝設計師楊展報名參加紡織製衣界立法會選舉，挑戰現任議員自由黨黨魁鍾國斌。佢話為攞提名票去咗深水埗3日，向布商、廠商逐家逐戶敲門，最後攞夠提名，佢形容選情係「大衛大戰哥利亞」，無人認為大衛會贏，但最終依然憑石頭擊倒對方。
楊展話參選係因為有行內人士揾佢，期望界別選舉有競爭，而佢亦期望可以為業界整個生態鏈出力，並為香港保有自由。佢喺政綱明確寫上「五大訴求，缺一不可」，話會以有效方法爭取政府回應五大訴求。問到若果進入議會，會唔會否決財政預算案，佢話會睇選民利益、法案係咪公義，同埋一國兩制高度自治，如果違背就投反對。
更多港聞
【明報專訊】面對第三波疫情，李嘉誠基金會噚日宣布捐出1.01億元畀香港嘅醫療服務同社福界。為鼓勵醫科畢業生留港服務，基金會撥出超過2000萬...
詳情
相關新聞
