【Emily】去留民調捱轟 民研小編：做好本分
[2020.10.03] 發表
【明報專訊】香港民意研究所周二(9月29日)公布民主派15名議員去留嘅民調結果，好多網民去香港民研個facebook留言提出質疑同批評，包括話問題充滿引導性等，有人更話香港民研嘅公信力一鋪清袋，以後唔支持佢哋。事隔多日，香港民研噚日凌晨喺facebook出post，話「小編二號」諗過刪除某啲有人身攻擊成分嘅留言，但「小編一號」覺得唔好，反而想正面回應一吓。
回應收民主黨錢：唔會偏幫
小編回應話好想知道條問題或者個民調方法點樣充滿引導性，如果大家有意見可公開討論。至於係咪因為民研收咗民主黨錢所以要偏幫15名參與民調嘅議員，小編回應「電話調查員要出糧，租電話線亦都要交租，燈油火蠟都要有人畀嘅，所以民研收錢係無可厚非；但咁樣並唔可以就話民研一定會偏幫民主黨喎，因為就算民研唔接受民主黨嘅委託其實都無乜損失」。
有人話唔再支持同相信香港民研，小編就話：「大家對我哋嘅支持或者期望有幾多，其實同民意本身或者民調結果唔應該有任何關係。小編覺得民研做好自己嘅本分先至係回報大家嘅最好方式。」佢又話希望大家繼續相信香港民研，希望見到大家好好溝通一齊進步，佢哋亦會繼續撐落去。
更多港聞
【Emily】辦聯署籲德制裁 滑鼠娘娘被建制派狙擊
【明報專訊】被網民稱為「滑鼠娘娘」嘅鄺頌晴（圖）𠵱家喺德國讀書，佢早排喺當地發起聯署，呼籲德國聯邦議會制裁侵害人權嘅中國官員，以及促請德國... 詳情
【Emily】駱惠寧前日探訪 劏房男曾捐近百萬內地抗疫
【明報專訊】前日中聯辦主任駱惠寧「出巡」探訪咗個深水埗失業劏房戶，佢話𠵱家淨係打散工，妻女都要返湖南生活。有眼利嘅市民發現，呢名劏房戶今年... 詳情
相關新聞
