【Emily】娥姐問認唔認得佢 星爺：化灰都認得
[2020.11.28] 發表
【明報專訊】影星周星馳噚日繼續就前女友于文鳳追逾7000萬佣金案到高院作供，粉絲齊齊「追星」，當中包括「千禧後」影迷，同埋曾參加立法會選舉嘅陳玉娥。陳玉娥(圓圖)去旁聽，話20幾年前喺黃金海岸見過周星馳，休庭時更猛追星爺：「你認唔認得我呀？不過廿幾年前喇，嗰時我又未選立法會」，仲話「我嚟緊又選，應該選到㗎喇，應該今次會贏」。星爺諗咗一陣，答：「化咗灰都認得你啦！」
影迷畀星爺考起 差啲被沒收簽名
「千禧後」超級影迷Bosco前日已開始旁聽，噚日仲「西裝骨骨」一早到庭，趁星爺休息時上前攞簽名。Bosco同星爺講：「星爺，我好鍾意睇你啲戲㗎！」佢又話最愛《長江7號》。星爺於是考吓佢：「《長江7號》第一句對白係咩？」Bosco諗咗好耐都答唔到，星爺就講笑話「咁攞返個簽名嚟！」
Bosco話受周星馳啟發，希望做演員，又話做過「臨記」，未來想加入電影圈。不過Bosco話唔方便透露職業，但話正在「實習」，星爺同佢講會去探佢！
噚日亦有內地女影迷出現，星爺問佢「乜𠵱家唔係封緊關嘅咩」，原來女影迷係喺香港讀書嘅。
更多港聞
【明報專訊】政制及內地事務局長曾國衞周三聽特首發表施政報告時，畀傳媒影到佢難敵睡魔，噚日喺記者會主動解畫，話當日因為扁桃腺炎食咗抗生素、消炎...
詳情
【Emily】Na Can最後一天 鄧經理做大組長 帶校友Dem beat
【明報專訊】中大新亞書院學生餐廳噚日最後一日營業，校友會原本諗住搞歡送晚會，但因為疫情取消，改為校友會同餐廳鄧經理、老員工一齊fb Live... 詳情相關新聞
