【Emily】交還議辦 尹兆堅丟基本法 「擺咗23年甩皮甩骨變形走樣」
[2020.12.18] 發表
【明報專訊】民主派立法會議員總辭後，近日陸續要清空同交還立法會辦公室，民主黨尹兆堅就以「清垃圾日」為題，喺facebook上載「四格相片」，顯示佢手持《基本法》，並丟入放滿廢紙嘅膠箱。阿尹話呢本《基本法》精裝本喺書櫃放咗23年，隨住年月殘舊脫色、甩皮甩骨、變形走樣，已失去存放價值，「唯有丟咗佢啦」。Emily問阿尹會唔會擔心畀人話唔擁護《基本法》，佢話仲有幾本新淨嘅放喺書櫃，咁又得唔得先。
葉建源叫大家為議助鼓掌
教育界前議員葉建源都喺fb記錄自己撤出立法會，同一眾助理手持立法會證喺空盪盪辦公室合照留念，葉建源話議員助理極少走到前台，但議員喺前台嘅表現，背後其實係助理嘅心血，離開議會呢日，希望大家可以注意、睇吓呢班議助，又叫大家為呢班議助鼓掌。
譚文豪：希望無令梁家傑失望
公民黨譚文豪就上載佢坐喺辦公室留影嘅相，話正式搬離立法會，自己4年前喺該黨主席梁家傑手中接過呢個辦公室，亦接手服務香港嘅重任，希望呢4年無令梁家傑同支持者失望。佢話或者無辦法再以議員身分服務市民，但一定會以香港人嘅身分同大家並肩作戰。
更多港聞
【明報專訊】疫情嚴峻，沙田區議會衛生及環境委員會早前一致通過撥款100萬元派發口罩同防疫小冊子畀沙田區內居民，沙田民政處去信委員會主席丁仕元...
詳情
【明報專訊】立法會前議員許智峯同好鄰舍北區教會嘅銀行戶口被凍結，同樣涉及眾籌。去年反修例運動開始後成立嘅「612人道支援基金」亦有接受公眾捐...
詳情
【明報專訊】本屆區議員上任近一年，建制派落選區議員組成嘅「議會監察」噚日發表報告，批評「攬炒」派區議員將區議會當成提款機，利用唔同團體巧立名...
詳情
【Emily】聖誕籌款助童 彭韻僖拍片唱Fa la la la la
【明報專訊】聖誕節將至，Emily收到一條短片，顯示律師會會長彭韻僖（Melissa）、副會長陳澤銘、前會長蘇紹聰等大唱聖誕歌Deck th... 詳情相關新聞
