【Emily】還押中記掛太太生日 尹兆堅早備驚喜
[2021.03.17] 發表
【明報專訊】民主派「35+初選」案仲有37人還押唔准保釋，同家人分隔，當中民主黨尹兆堅雖然為訴訟煩惱，但仲記掛太太生日。尹太寫家書畀阿尹，透露早排被捕者喺法院馬拉松式提堂審訊期間，佢有一晚旁聽後拖着疲累身軀回家，工人姐姐遞上包裹，話有物件畀佢。尹太好奇呢段時間大家仲邊有心機網購，打開一睇，原來係還押中嘅阿尹預早訂購生日禮物畀佢，喺一件藍色牛仔褸。
尹太話，嗰刻先想起佢嘅生日喺阿尹聆訊第三天，當時大家根本無心情慶祝。當時佢如常到法庭聽審，休庭期間阿尹透過律師傳話：「生日快樂！對不起，我知道很難會快樂，但我們要堅強！We shall overcome！」尹太話，估唔到呢一刻丈夫仲記掛自己生日。佢話生日願望只希望阿尹平安回家，希望以後每個生日阿尹喺身邊就心滿意足。
譚文豪茶餐廳徵「寫信師」打氣
另外，同在還押嘅譚文豪，佢開嘅茶餐廳「一日三餐」喺社交媒體召喚「寫信師」，即日起代譚老闆收信，仲附上「和你做筆友」懶人包，提醒寫信要注意事項，指「監獄重門深鎖，唯有文字能夠水滴石穿」，期望透過文字替在囚者打氣。
更多港聞
【明報專訊】特首選舉明年舉行，政圈早已開始討論特首「跑馬仔」呢個議題，民建聯創黨主席、立法會前主席曾鈺成噚日出席民主黨前主席劉慧卿網台節目《...
詳情
【Emily】區議員何致宏為「失蹤」道歉：患了抑鬱
【明報專訊】政府連續3晚喺中西區封區，建制派嘅「議會監察」喺facebook話水街封區，但當區區議員何致宏「失蹤隱形」，質疑「莫非著咗草」，... 詳情
【明報專訊】中學文憑試筆試4月下旬開考，學校今日起至下周二（23日）可領取准考證，再分發學生。新型冠狀病毒疫情持續，考試及評核局向學校發通告...
詳情
【明報專訊】香港中學校長會上周撰文，批評高中4個核心科目改革是「長官意志」，昨日再發文，承接上篇，提及對通識科修訂種種質疑。中學校長會指出，...
詳情
相關新聞
