【Emily】容海恩製海園Outlet圖 網民彈「P得咁假」
[2021.03.22] 發表
【明報專訊】新民黨立法會議員容海恩(Eunice)早前喺財委會倡議，海洋公園山下園區可以搞名牌特賣區(Outlet)，佢噚日凌晨喺facebook再提呢個倡議，又分享自己幾年前去過日本神戶三田outlet，話入面有美食廣場及唔同類型嘅本地、國際名牌特賣店。不過，相比起Eunice嘅倡議，大家比較關注佢張配相，雖然佢hashtag寫明「#Outlet想象圖」，但唔少人質疑點解張相咁假，亦有人惡搞，key佢個身落其他背景度。
稱無調光暗擺明key圖
Eunice同Emily解釋，前晚想搵番自己當年去outlet嘅相做配圖，但搵唔到輯相，其後就下載App去製圖。佢自言製圖其實係希望「原汁原味」、擺明key圖，而唔係想扮真，所以都冇調校光暗。Eunice又話，發現現時電話嘅執相App都幾易用，「退地」都好方便，唔似以前要放大張相好多倍、慢慢圈番個人出嚟先做到。
海洋公園主席劉鳴煒早前喺財委會上回應，話唔想複製其他商場去海洋公園，Eunice喺個post就話，同意海洋公園唔應該建大型商場，佢建議嘅係半開放式、低密度名店outlet，邀請世界各地特色品牌進駐、廉價售賣較早季度衣物，同埋包括餐飲、娛樂設施。
更多港聞
【Emily】Lester：收信係重要精神支柱
【明報專訊】47名民主派人士因組織、參與初選被控違反《港區國安法》，當中36人要還押，雖然身陷囹圄，好多人心繫地區工作。荃灣區議員岑敖暉（L... 詳情
【Emily】旅發局宣傳 向台媒寄菠蘿油味心意卡
【明報專訊】新冠病毒疫情令全球旅遊業陷入冰封狀態，但旅發局繼續做唔少宣傳，希望疫情一完旅客再嚟香港玩。旅發局話，近排向台灣傳媒同旅遊業人士送... 詳情
【明報專訊】自2月下旬新年假期後，學校教員如每14天接受檢測，可向教育局申請全校恢復半天課。申請數字逐步增長，局方最新回覆再多300多間，共...
詳情
相關新聞
