【Emily】特首答問大會分心 陳帆肉緊首爾選市長
[2021.04.09] 發表
【明報專訊】特首林鄭月娥噚日出席立法會答問會，每次呢啲場合，都可以見到官員、議員嘅「眾生相」。話說韓國日前就多個議員及市長席位補選，噚日凌晨宣布結果，運輸及房屋局長陳帆似乎都相當關注，Emily就見到佢喺答問大會期間，用枱上大熒幕睇選舉新聞，照片係最大在野黨國民力量候選人吳世勳再度當選首爾市長一幕(圖)，見佢睇得相當入神。
楊潤雄埋首「咪」文匯評論
至於教育局長楊潤雄，網媒立場新聞影到佢埋頭用手機睇《文匯報》評論，係民建聯中委、教聯會理事丁江浩撰寫嘅〈新形勢下如何實踐愛國教育〉，文中主要講當局早前公布將通識科改名為「公民與社會發展科」，認為可以作為愛國教育嘅切入點，建議教育局要提供必要培訓，令教師充分掌握愛國教育嘅內容、有足夠能力任教。
更多港聞
【Emily】明報JUMP周六招聘日 200職位空缺
【明報專訊】疫情下經濟低迷，要轉工同求職都唔易。明報JUMP聽日舉行「JUMP招聘及進修日2021」，設招聘職位及課程諮詢攤位，場內分「護理... 詳情
【Emily】試足10年 盈盈樂樂再接再厲造B
【明報專訊】海洋公園動物團隊發現大熊貓盈盈樂樂又開始發情，公園噚日開始暫停對外開放「大熊貓之旅」，直至另行通告，畀兩隻大熊貓可以準備交配。 ... 詳情相關新聞
