【Emily】利君雅last day 派餅限半粒鐘 擾攘一輪先入到廣播大廈 保安全程監視
[2021.05.29] 發表
【明報專訊】香港電台助理節目主任利君雅噚日last day，最後一日喺港台返工，但Emily聽聞利君雅噚日去香港電台廣播大廈派「散水餅」時，保安員話「樓上落咗order」，唔准利君雅入廣播大廈，擾攘一輪，喺行政部人員監視下，利君雅先入到廣播大廈，但要限時半小時，其間保安員亦全程監視住。
Emily問港台咩事，港台回覆話Emily講嘅同事實不符，話一直按既定程序處理員工出入辦公大樓安排，無為個別員工施加額外限制。
工會感謝利君雅留守到最後
香港電台目製作人員工會喺fb貼圖感謝利君雅，寫住「在這政治凌駕專業年代，記者發問成原罪，感謝妳一直謹守崗位，為公義發聲，毋懼調查不公與打壓，留守最後！」
利君雅2017年10月入職港台，試用期3年，2019年7月喺政府記者會上問特首林鄭月娥7．21事件係咪「官警黑合演大龍鳳」，又叫林太「講人話」，之後收到投訴。港台起初調查話投訴不成立，但上年重啟調查，再先後延長利君雅試用期同開出新合約，上月通知利君雅不獲續約。
更多港聞
【明報專訊】《港區國安法》下，支聯會成為敏感團體，近期相繼有區議員同團體退出，最新退出嘅包括民協前成員馮檢基。阿基日前向支聯會秘書蔡耀昌致函...
詳情
【Emily】明年三個機會 連放至少9日假 農曆新年 勞動節 聖誕節
【明報專訊】打工仔請假攻略嚟嘞！政府公布2022年公眾假期「紅日」，當中除咗復活節4日假期由4月15日放到18日，出年嘅農曆年初一至三「紅日... 詳情相關新聞
