【Emily】鄧炳強升官換眼鏡 警界朋友：斯文咗
[2021.06.28] 發表
【明報專訊】政府領導班子上周五宣布人事變動，鄧炳強上任保安局長翌日被問到今次升官嘅全部都係警察時，話唔應該區分文官、武官。話雖如此，鄧升任政策局長當日就換咗做警隊一哥時增強殺氣嘅粗黑框眼鏡(左圖)，改戴一副較斯文、有銀邊裝飾嘅粗框眼鏡(右圖)。有警界朋友同Emily講鄧嘅新眼鏡「反晒藍光，仲斯文咗添 」。
雖然鄧升任保安局長得兩三日，但警隊內已經流傳佢升局長嘅WhatsApp sticker，佢著住警隊制服，配以「我係保安局長 確保你平安」嘅字樣，至於係邊個製作就唔知喇。
住咗約一年 要遷出一哥官邸
鄧炳強要負責廿三條立法，固然係「大工程」，但更迫在眉睫嘅「大工程」係搬屋。警務處長享有半山馬己仙峽道「一哥」官邸，佢升官後要遷出，其實佢只住咗大約一年。至於新一哥蕭澤頤幾時可以搬入官邸，熟悉情况嘅人話要等鄧先遷出，再安排維修、重新髹油等，一般需時幾個月。
更多港聞
【Emily】200人《蘋果》排隊「領養」盆栽
【明報專訊】創刊26年嘅《蘋果日報》停刊，壹傳媒大樓內嘅大量盆栽頓時失去照顧，估計為數約60盆。有《蘋果》員工喺facebook發文話植物都... 詳情
【明報專訊】中文大學2月與學生會「割席」，要求該會獨立註冊為公司或社團，中大學生會代表會上周五（25日）通過就註冊一事舉行全民投票。中大學生...
詳情
相關新聞
