【Emily】本屆立會10?30中止 同日立選提名開始
[2021.07.22] 發表
【明報專訊】立法會選舉將於12月舉行，政務司長李家超噚日去信立法會主席梁君彥，話特首林鄭月娥行使《立法會條例》賦予嘅權力，指明今年10月30日為第六屆立法會會期中止嘅日期，有關安排明日刊憲。
李家超信中提到，特首指明10月30日為中止日期，因考慮到12月19日舉行立法會選舉，提名期於10月30日開始，為避免現任議員喺選舉期間較其他候選人有特殊優勢，或者予人有優勢嘅印象，選舉提名期開始，立法會會期都應該同時中止。
今屆立法會完結前仲有相當多法例要處理，包括噚日先首讀及二讀嘅《個人資料(私隱)(修訂)條例草案》(俗稱「起底刑事化」)、修訂醫生註冊條例、垃圾徵費、禁電子煙等法例，可謂相當忙碌。
另外，立法會會議噚日完結，立法會亦會唞暑3個星期，大會復會日期為8月18日。
更多港聞
相關新聞
