【Emily】馮巍教港官認識新時代中共治國理念
[2021.07.28] 發表
【明報專訊】公務員事務局噚日喺政府總部舉辦《新時代的中國共產黨——兼談中國共產黨與「一國兩制」》講座，由港澳辦前副主任馮巍透過視像主講，帶200個港府高級官員回顧中共嘅重要發展歷程，以及新時代下中共治國理念跟一國兩制嘅關係。
公務員事務局長聶德權喺講座上話，政府會致力加強公務員培訓，特別係對國家《憲法》、《基本法》同埋國家發展嘅認識。
警隊譚惠儀接任土地註冊處長
另外，政府噚日宣布，警務處財務、政務及策劃處長譚惠儀(圖)將喺8月23日出任土地註冊處長，接替即將展開退休前休假嘅張美珠。聶德權話譚惠儀係資深AO，有信心佢喺新崗位為市民提供專業高效嘅服務。對於即將退休嘅張美珠，聶讚賞佢喺政府服務38年，一直盡忠職守，衷心祝願佢嘅退休生活充實愉快。
更多港聞
相關新聞
