【Emily】170校友踢西瓜波 賀聖保羅書院170歲
[2021.10.19] 發表
【明報專訊】港島區老牌中學聖保羅書院今個月慶祝170周年校慶，有連串活動凝聚校友，其中一項活動係踢「西瓜波」。Emily唔明點解佢哋走去玩西瓜波，校友之一、民政事務局常任秘書長黃智祖就話其實有段古，話說由於校舍地方有限，如果喺校內踢足球，好易打爛玻璃，所以佢哋由細到大都只喺校內踢西瓜波，漸漸變成一種聯繫嘅玩意。
校方籌備校慶，召集咗各地共170名校友聯手為母校獻禮，破天荒線上踢西瓜波，將活動拍成短片，近日上載網上。參與校友包括立法會前主席曾鈺成、黃智祖、天文台前台長岑智明、海洋公園行政總裁黃嗣輝、中大呼吸系統科講座教授許樹昌、香港醫學會傳染病顧問委員會聯席主席曾祈殷等。
校方話首項慶祝活動本周四(21日)舉行，屆時載有介紹學校車身廣告嘅電車及巴士將游走港島，而校友亦會聚首參與。稍後亦會有由中、小學生主演嘅音樂劇《保羅．我們的聖保羅》、校史展覽等。
更多港聞
【Emily】Vivienne Tam昂坪線上騷 曬健康時裝
【明報專訊】疫情下唔少人無法外遊，連喺香港成長嘅國際時裝設計師Vivienne Tam（前排左）都滯留香港，但亦因此促成咗佢同昂坪360合作... 詳情
【明報專訊】法律界將會舉辦首屆香港法律界步行日，噚日籌組活動嘅代表舉行記者會介紹。活動獲大律師公會支持，公會主席夏博義話，原本步行日訂於明年...
詳情
【Emily】藝術家以竹篾編織 長臂猿利東街「出沒」籲保育
【明報專訊】灣仔利東街近日出現唔同長臂猿裝置，其實係嘉道理農場暨植物園喺該處舉辦《離地森活》長臂猿保育展覽。由於每年10月24日係國際長臂猿... 詳情
【明報專訊】立法會教育事務委員會昨討論學齡人口下跌的應對，有議員關注小班教學政策。自由黨張宇人稱，不希望措施用來「保老師飯碗」，「就算做得不...
詳情
相關新聞
