【Emily】未提供聯絡方法 候選人翁健道歉
[2021.11.23] 發表
【明報專訊】本報噚日報道有部分立法會候選人，無主動留低聯絡方法畀公眾或傳媒聯絡，會計界候選人翁健噚日就此向傳媒發聲明道歉並附上近照(圖)，話自己無參選經驗，交表前仍未組成競選團體，由於實在太趕急，無注意到提供聯絡方法嘅重要，仲話已聯絡過選舉事務處，處方回覆表格係唔可以修改。
曾幫陳茂波助選 參選得梁繼昌指點
翁健喺聲明介紹自己無黨無派，目前喺一間大型金融機構擔任上市簽字保薦人，參選目的係要為理性、溫和、務實嘅專業人士發聲，避免議會變成一言堂，希望團結中間力量，修補裂痕，重建互信。
Emily同翁健傾過，佢話自己同兩邊陣營都有偈傾，之前幫過大學師兄、財政司長陳茂波參選立法會會計界時助選；今次自己參選亦得到中學師兄、會計界前議員梁繼昌指點迷津。問到立場，翁健定位自己係中間開明派。
翁健仲話，其他候選人多數喺本地會計師樓做嘢，佢自己做過「Big 4」(四大會計師行)、大企業會計，現於金融機構工作，接觸過嘅範疇較全面，呢啲都係佢想參選嘅原因。咁係咪勝算高啲？佢話新選舉制度同以前完全唔同，好難評估。
更多港聞
【Emily】前議員劉珈汶在英 做夜班郵政臨時工
【明報專訊】黃大仙前區議員劉珈汶（Carmen）9月辭職後去咗英國，佢答應家人同自己要喺英國好好生活，「在別人正尋找搵錢的捷徑時，我找到了一... 詳情
【Emily】放漂1.2萬本 青年廣場設漂書閱讀區
【明報專訊】柴灣青年廣場早前舉行年度重點項目「漂書節」，一連三日活動有逾千人參加，放漂嘅書有超過1.2萬本，除咗漂書之外，亦有名人分享、名人... 詳情
【明報專訊】政府2018年提出喺交椅洲填海1000公頃嘅「明日大嶼」計劃，計劃建造為本港第三個核心商業區，並構思興建第五條跨海鐵路，由港島西...
詳情
【明報專訊】內地部門專家來港考察防疫工作，唔少商界都期望可以盡早同內地通關，而原來廉政專員白韞六都好期待通關。佢噚日同傳媒交流，話廉署同深圳...
詳情
相關新聞
