汲取大仔出世教訓 黎諾懿準備充足執「走佬袋」
[2021.12.07] 發表
【明報專訊】黎諾懿與太太李潔瑩(Nicole)今個月將再為人父母，廿四孝爸爸積極準備迎接家庭新成員。近日黎諾懿跟大仔「小春雞」為已踏入預產期的Nicole執拾入院「走佬袋」，透露4年前「小春雞」出世，新手爸爸的他非常狼狽，嬰兒用品準備不足，令「小春雞」皮膚敏感兼爛屁股，有尿道炎又不懂處理。今次他準備充足，「走佬袋」有齊有機奶粉、嬰兒防敏濕紙巾、潤膚露、潔膚浴露、授乳茶與保暖杯等，壓力減少，好好享受迎接新生命。
黎諾懿一直希望第二胎生女，可以湊成「好」字，但今胎都是仔，湊成「孖」字。他說：「即將再做爸爸，心情是開心的，因為無論工作幾攰都好，只要回家見到他們，就會咩都忘記晒，咩都值得。」會否再追女？他斬釘截鐵表示「兩個夠晒數」，「我同太太認為兩個就夠，再多個小朋友，分唔到身，最緊要兩兄弟相親相愛，我湊小春雞時，太太湊細佬，這樣時間會分配得好啲，雖然今次不是生女，但都不會再追，現在已經好完美」。
娛樂組
更多影視
《蜘蛛俠：不戰無歸》優先場只播40分鐘防劇透 湯賀蘭新片扮「舞王」佛烈雅士堤
【明報專訊】Marvel超級英雄片《蜘蛛俠：不戰無歸》（Spider-Man: No Way Home）將於本月15日率先在港開畫，美國延遲... 詳情
相關新聞
