【Emily】賀年食品多得滯 可捐去42收集點
[2022.01.28] 發表
【明報專訊】農曆新年唔少人會收到賀年禮品，如果食唔晒就會浪費。扶貧委員會轄下社會創新及創業發展基金(社創基金)委聘聖雅各福群會成立嘅食物援助協作平台FOOD-CO，推出「賀年食品及乾糧收集行動」，如果大家有曲奇餅、朱古力等想同有需要嘅人分享，即日起至2月11日可將禮品送去全港42個收集點。
食用限期唔少於8周
2?11截止 領展22商場設捐贈箱
聖雅各福群會扶貧服務高級經理吳雯賢話，收集行動接受各界捐贈包裝及食用限期不少於8個星期嘅賀年禮盒、米、麵及罐頭等食物，並得到多間企業支持，喺多區設立42個食物收集點，其中包括該會位於灣仔及石硤尾嘅辦事處、商場嘅食物捐贈箱，以及其他屋苑、公司等收集點，畀更多熱心市民能夠參與捐贈。活動期間，領展會喺旗下22個商場設食物捐贈箱，方便商戶及市民踴躍捐贈賀年禮盒。
吳雯賢話，近日已獲一家企業向FOOD-CO平台捐贈300底蘿蔔糕，將於新春前陸續送抵，會轉贈有需要家庭。捐贈計劃可登入FOOD-CO網站或facebook帳戶，或致電3974 4679查詢。
更多港聞
【Emily】引入比亞迪B12A電巴 「電光綠」九巴新春後登場
【明報專訊】政府提出爭取2050年前實現碳中和政策目標，公共交通機構都要配合。九巴就話，已引入16部國產比亞迪B12A純電動單層巴士，會喺農... 詳情
【明報專訊】因民主派「35+初選案」還押嘅立法會前議員毛孟靜（Miss Mo），喺獄中善用時間咪書，仲話想趁機重拾法文。Miss Mo同去探...
詳情
「直接錄取」首屆 63校未申 有中學倡提供課程名額參考
【明報專訊】首屆「學校推薦直接錄取計劃」（下稱計劃），讓具特殊才華及興趣學生有機會於取得文憑試（DSE）成績前已獲大學破格取錄。計劃上月初截... 詳情相關新聞
