【Emily】開兩會要打3針？ 有人代政協話唔知
[2022.02.17] 發表
【明報專訊】本港新冠病毒疫情嚴峻，未知港區全國政協委員同人大代表3月初出席「兩會」會否有特別安排。now新聞報道，有政協及人代收到通知，必須已打第三針新冠疫苗先可以上北京開會。不過，Emily噚日向幾名港區人代同政協查詢，佢哋都話冇收到呢個通知，包括港區人代譚志源同政協委員吳傑莊。
港區人大代表團團長馬逢國同全國人大常委譚耀宗話，自己都已經打咗3針新冠疫苗，馬逢國話絕大部分人代都已經打咗3針。
去年，港區全國政協委員同人大代表上北京開兩會前，需要提早去深圳檢疫，做足核酸檢測、有陰性結果先可以去北京。據了解，今年原定有類似安排，政協同人代要喺3月2日先上去深圳住一晚，但係鑑於香港新冠疫情𠵱家好嚴峻，據聞可能會有其他方案，包括提前集中檢疫。
更多港聞
【明報專訊】特首選舉3月27日舉行，九龍中立法會議員楊永杰聯同團體「希望種子」上月做調查，結果發現只有約6%受訪者正確回答到特首選舉日期，九...
詳情
【明報專訊】選委界立法會議員兼嶺大歷史系教授劉智鵬建議高中必修中史，教育局長楊潤雄昨書面回覆其提問稱「暫不考慮」，稱高中4核心科目去年改革，...
詳情
【明報專訊】新冠病毒確診數字屢創新高，多間大學建議學生遷離宿舍減風險。港大向宿生發信稱，最遲今天（17日）決定去留，選擇留宿者則須遵從校方一...
詳情
【明報專訊】中學文憑試（DSE）筆試4月底開考，考評局前日（15日）去信中學校長，稱因應第五波疫情，正與教育局及衛生防護中心緊密連繫，亦會諮...
詳情
相關新聞
