【Emily】區議員自我家居隔離 託助理送樽
[2022.02.18] 發表
【明報專訊】大埔區議員、民主派姚鈞豪前晚喺facebook話屋企人用快速測試檢測，顯示陽性，佢嘅快速測試結果則係陰性，但都會自我家居隔離。姚鈞豪強調喺辦事處一直有戴口罩，辦事處由前日起即日關閉同埋全面消毒。
姚鈞豪噚日更新狀態，佢託助理將收集深喉唾液樣本嘅樽掛喺屋企門外，助理走咗先拎入屋，暫時等緊結果。佢話本身無打疫苗，雖未知有冇中招，但前晚開始有啲發冷發熱同喉嚨痛，食咗幾粒藥後好咗好多，噚日好精神，無再喉嚨痛。佢又話屋企人食咗藥同樣好咗啲，病情尚叫輕微。
姚鈞豪同Emily講，驗出陽性嘅屋企人留喺房，其他屋企人除咗飲食之外都冇除口罩。糧食方面，佢話屋企有儲開兩三星期糧，暫時唔使擔心。
更多港聞
【明報專訊】全港學校暫停面授至3月6日，中六獲准返校半天做學習及評核活動。但新冠疫情嚴峻，不少中學已煞停中六面授，亦有學校於安全情况下冀維持...
詳情
【明報專訊】立法會財委會周二（15日）通過涉270億元撥款的第六輪防疫抗疫基金。教育局昨稱，與教育範疇相關的津貼及資助涉總開支約6.67億元...
詳情
相關新聞
