【Emily】鄒幸彤獄中練跑 感悟目標自己掌握
[2022.03.17] 發表
【明報專訊】正因六四集會未經批准集結案服刑嘅前支聯會副主席鄒幸彤，寫信提到自己喺獄中練跑，最新紀錄係喺「放風」嘅一小時內跑到100圈。佢講笑咁話，如果大家喺法院見到佢好似有啲腳軟，就係好勝心嘅後遺症。
鄒幸彤嘅facebook噚日出帖，發布佢喺獄中嘅來信。鄒幸彤話，每次放風時都會跑步，最初有朋友表示堅持跑咗50分鐘，佢覺得自己都可以做到，雖然無鐘計時，但知道放風時間係一個鐘，「反正堅持到姑娘喊『走人』就是了」。但佢話咁樣跑唔知離目標幾遠，於是之後每次數住跑咗幾多圈，認為將目標掌握喺自己手上好啲。
佢又提到，放風場位於圍上高牆嘅天台，兩米以上嘅位置有鐵絲網，形容視覺上係「井底之蛙」，因為只能望向高處同山頂，「只看到山尖就以為自己站得很高」，但其實只係睇唔到實地嘅幻覺，故告誡自己「千萬不能住在堅離地」。
鄒家成囹圄家書：
「烏克蘭人提醒我們無安逸本錢」
民主派初選案被告鄒家成亦發表獄中家書，「我們就是太常把一些事情看得太理所當然」，例如民主自由等價值、法治系統、香港公務員和紀律部隊的專業，然後又把國際格局嘅穩定與和平看得理所當然，但其實大家本來就係活在一個每分每秒都不斷流變嘅世界，「烏克蘭人提醒了我們，在無常的世間，正因從沒什麼是理所當然的，我們絕對沒有安逸的本錢」。
更多港聞
【Emily】載黨友送物資 副局何啟明做「車手」
【明報專訊】勞福局副局長、工聯會成員何啟明繼早前親自錄音廣傳有機構需要急聘300名本地護理員，日前又附上個人WhatsApp，幫手回應有關社... 詳情
【明報專訊】第五波疫情以嚟，就算政府加咗查詢熱線，啲熱線成日打極唔通，賽馬會就將位於天水圍嘅電話投注站設施提供畀民政事務總署用，進一步支持政...
詳情
【明報專訊】全港中小學最遲今日（17日）起要提早放「暑假」，展開悠長假期，唔少家長都想辦法令仔女唔好「躺平」。教育局長楊潤雄噚日喺faceb...
詳情
電車STEM解構叮叮 傳承工藝文化 砌模型學工程 介紹節能科技無人駕駛
【明報專訊】第五波疫情下市民減少外出，公共交通工具公司同受打擊之際，香港電車姊妹公司叮叮科創（Tramplus）成立後首推出教學課程，以電車... 詳情相關新聞
