【Emily】疫下無O-camp 港大天文學會失觀星好時辰

[2022.08.25] 發表

【明報專訊】新學期唔少「新鮮人」準備返學，但遇上新冠疫情升溫，幾間大學都唔准或者唔建議校內學生組織搞過夜嘅「O-camp」迎新活動。Emily就留意到，港大天文學會今年改為搞迎新夜觀星，喺大學校園內睇到夜晚11點半就散場，真係過唔到夜。

對比過去活動，觀星時間少咗，又由營地移師校園，港大天文學會同Emily講，校方規定所以無搞迎新營。學會話市區始終有光害問題，另外視乎季節，一般午夜零時左右星星都會喺正頭頂，當時就最靚，而校方做法固然減少感染風險，但咁嘅安排難免會影響同學睇星體驗，同埋新同學就少咗啲機會相處。

港大發言人就同Emily講，希望同學繼續對疫情保持警覺，盡量唔好搞過夜活動，尤其近日確診數字持續上升，希望同學合作。發言人又話，會繼續密切留意疫情發展，因應情况調整措施。

更多港聞

【明報專訊】今年夏天好熱，前日係「處暑」，但暑氣仍未減退，港燈為協助基層應對酷熱天氣，向有需要嘅人同低收入家庭送上4000套節能風扇套裝，協... 詳情