【Emily】國際反貪局秘書處今開幕 多國代表來港
[2023.04.26] 發表
【明報專訊】廉政公署噚日喺facebook話，多個海外反貪機構代表前日起一連兩日齊集香港，參加今日舉辦嘅國際反貪局聯合會秘書處辦公室開幕禮。廉政專員胡英明安排同多個反貪機構開雙邊會議，先後同嚟自肯尼亞、塞內加爾、阿塞拜疆同馬來西亞嘅代表會面，之後會繼續會見聯合國毒品和犯罪問題辦公室、希臘和南非反貪機構代表，探討透過廉署構建嘅香港國際廉政學院，加強國際反貪協作同培訓，深化國際反貪聯繫，並向機構代表闡述佢接任國際反貪局聯合會主席嘅安排。
根據聯合會會章，主席須由機構領導人或者指定官方代表出任。廉署舊年9月宣布委任前專員白韞六出任為期一年嘅特別顧問，畀白可以喺符合會章要求下繼續做主席，以便順利過渡，稍後由現任專員胡英明接任。
不過睇番官方相片，暫時未見到白韞六同胡英明同場接見各海外反貪機構代表。
更多港聞
中文考材趨哲理分高下 教師稱有難度 讀台作家〈一竿冷〉 須悟文末豁達看生死
【明報專訊】中學文憑試（DSE）中文科昨開考，約4.49萬人報考。卷一閱讀提供3篇考材，其中兩篇均是台灣作家白話文，分別是陳列的〈我們去唱歌... 詳情
相關新聞
