【Emily】曾俊華AI試造型 變英雄讚amazing
[2023.05.01] 發表
【明報專訊】前財政司長曾俊華都擁抱人工智能(AI)熱潮，佢嚟緊會為其任職顧問嘅保險公司拍廣告，要度吓造型，公司就用AI Art Generator，即係人工智能圖像生成器，以佢嘅圖片，創作咗唔同款式嘅造型畀佢參考，令佢可以變身超級英雄、高達、悟空都冇難度。曾俊華讚賞創作「好amazing」，話畫功除咗手指位仲有啲瑕疵之外，基本上都算係高水準之作，又話咁多個造型揀，今次都有「選擇困難症」。
曾俊華其實想乘機分享佢對AI嘅看法，佢話有人會話，人類唔使再學畫畫，因為會被AI取代，但佢認為AI都係靠人類「指導」，要「觀摩」人類過去嘅作品之後，先至能夠創作出一幅新嘅藝術品。佢認為AI如果要畫出一幅有深度、有水準、有內涵嘅作品，仍然要有好嘅人類「導師」先至得。因此，佢認為人類只要保持創造力、堅持創新，AI有排都未贏到人類。
更多港聞
【Emily】響應「開心香港」 梁熙派懷舊小食
【明報專訊】政府先後推出「你好，香港！」和「開心香港」活動，想帶旺市面氣氛，民建聯立法會港島東議員梁熙團隊就話響應，噚日喺銅鑼灣舉辦民間版「... 詳情
【明報專訊】隨着社會復常，唔少司局長先後外訪。環境及生態局長謝展寰上月中訪問北京見唔同部委，係佢上任以嚟首度外訪。Emily本住求真精神，問...
詳情
相關新聞
