【Emily】內地網民話港「金融遺址」 駐京辦：會強力否定
[2023.11.22] 發表
【明報專訊】立法會工商及創新科技事務委員會噚日開會，聽取駐外經貿辦同駐內地辦事處工作報告，委員會主席吳永嘉話留意到內地網上平台出現一啲抹黑香港嘅言論，「對香港非常之唔好嘅說法」，建議駐內地辦事處同內地網絡平台公司溝通下，「該刪帖就刪帖、該屏蔽就屏蔽」，又話「冇理由放之任之㗎嘛？任由佢哋抹黑香港『獨立地位』，同埋對國家所作出過嘅貢獻」。商經局長丘應樺回應話：「我諗(駐北京辦事處主任)鄭偉源先生聽得好清楚，佢返到北京會積極跟進呢方面嘅工作。」
議員話抹黑 促交涉屏蔽
吳永嘉話最近留意內地網上平台有意見話，「香港同兵馬俑差唔多啦將會，成為世界金融中心嘅遺址，又話以往曾經係不夜城，𠵱家就淨係喺度喊『搞旺夜市』」。佢覺得呢啲內地網民對香港嘅「不公平抹黑」需要處理，希望丘局長可以叮囑內地相關同事跟相關網上平台溝通，「唔好畀呢個咁嘅風氣蔓延」。
鄭偉源話佢同同事一直有留意，「我哋會強力咁否定佢哋嘅一啲說法，亦都會去跟進，會睇下個源頭」，強調會繼續密切留意。
更多港聞
【明報專訊】司法機構向立法會提交文件，提到計劃出年年初就選定案件喺法院大樓外試行現場直播，準備就緒就會公布細節；不過就唔係所有司法程序都適合...
詳情
【Emily】百仁基金辦STEAM「選秀」賽 另推項目培養精英「拯救地球」
【明報專訊】百仁基金同香港資優教育學苑、香港桂冠論壇成立「G3聯盟」，一齊主辦「少年創科達人大獎」，發掘培養香港STEAM（科學、科技、工程... 詳情
開學3個月3幼園停辦 教局稱兩新校註冊 重申鼓勵辦團整合
【明報專訊】1950年創辦、現設兩校舍的聖保羅堂幼稚園，下學年起合併。校方昨在校網解釋，北角分校停辦原因為租金高昂、政府補貼遠不足夠，加上受... 詳情
港大圖書館111周年 館長：延戶外增座位紓不足
【明報專訊】港大圖書館今年111周年。港大首席信息主管及大學圖書館長伍麗娟表示將推多項新猷，其中擬將總圖書館和智華館（Chi Wah Lea... 詳情相關新聞
