【Emily】邱達根訪深圳科創學院 觀摩新產品
[2023.12.27] 發表
【明報專訊】聖誕普天同慶，有立法會議員就度過「工作假期」，其中科技創新界議員邱達根噚日喺facebook話，假期北上參觀咗深圳科創學院。佢話學院除咗有自己嘅生產線，仲為智能裝備生產商提供廉價嘅硬件支援，令佢哋可以不斷更新產品，透過當地供應鏈批量發展同銷售產品，舉例話智能吸塵機、畀寵物冲完涼烘乾嘅「貓貓烘乾機」都係成功例子。
邱達根又大讚學院創辦人李澤湘，話佢作為教授，20多年來孕育140幾間硬科技企業，當中有售賣無人機嘅科技公司大疆、發展人工智能技術嘅地平線，仲培育唔少出色學生，喺成功創業後返學院執教鞭，等其他創業者唔使行咁多冤枉路。佢亦希望日後學院有更多香港學生同青年參與，幫到更多硬科技創業者，同埋培養出更多獨角獸。
更多港聞
【明報專訊】今個月天文台相繼發出寒冷天氣警告同埋霜凍警告，大帽山仲喺冬至（22日）當日錄得零下1.6℃，係2021年1月以來最低氣溫。不過，...
詳情
相關新聞
