【Emily】何敬康倡Ian×羅淑佩宣傳禁毒
[2024.02.01] 發表
【明報專訊】民建聯選委界別議員郭玲麗噚日喺立法會提口頭質詢，關注當局應對年輕人處理干犯毒品罪行嘅情况，新民黨何敬康發言時，提議禁毒處搵時下人氣偶像宣傳禁毒，舉例搵MIRROR成員陳卓賢(Ian)同佢嘅「Hellosss」(Ian支持者)、房屋署長羅淑佩嚟一個破天荒合作，一齊宣傳禁毒信息。
保安局長鄧炳強回應時話，同意要用年輕人容易接受嘅宣傳方案，指去年裝修重開嘅金鐘禁毒中心，設有AR和VR設施推廣，亦推出兩個吉祥物「冬冬」和「希希」，但「可能呢兩個無MIRROR咁出名啦，無咁多人識」，強調局方會搵更多年輕人接受、熟悉嘅對象宣傳。
據保安局回覆，去年因干犯毒品罪行而被捕嘅21歲以下青少年有323人，約一半涉及製毒、販毒，其餘涉管有和吸食毒品等罪行。至於警方偵破嘅網上販毒案件，近5年逐年增加，去年有17宗。
更多港聞
【Emily】今卸任中大院長 陳家亮讚同事敢創新
【明報專訊】中文大學醫學院院長陳家亮（圖）今日卸任，由同為中大校友嘅趙偉仁接棒。陳家亮噚日最後一次以院長身分執筆，以「俯首甘為孺子牛」為題，... 詳情
相關新聞
