【Emily】發展局出片講科技城 鄉紳話發展有助改善水浸
[2024.05.16] 發表
【明報專訊】環諮會上個月決定有條件通過新田科技城嘅環評報告，其後政府開展宣傳攻勢，發展局噚日喺社交平台發布新田鄉鄉事委員會主席文祿星嘅訪問片段，文祿星話，新田一帶嘅村民面對社區設施不足、交通不便、衛生欠佳、大雨水浸等，其中新田鄉有幾個水浸黑點，但佢相信政府改善排污設施後就唔會水浸。
文祿星期望政府發展新田科技城時，做到城鄉共融、改善村民生活環境，改良棕地作業，又話「如果唔發展，爛地一塊又唔衛生，如果政府改良了，(我們)肯定受益」。
發展局就話，發展新田科技城時會改善新田排水排污系統、完善社區設施，例如興建泳池同公園，亦會發展交通基建，其中北環線主線會喺新田及洲頭附近設站，而北環線支線更係跨境鐵路，由洲頭附近途經河套區港深創科園區，再到達未來重建後嘅新皇崗口岸。
代表23條村 包括納收地下灣村
新田鄉鄉事委員會代表23條原居民同非原居民村，其中下灣村納入收地範圍，舊年就有300幾名村民聯署去信政府，要求原村保留。
更多港聞
【Emily】頭4月涉毒罪行人數跌 蕭澤頤：販毒一宗都嫌多
【明報專訊】香港壽臣山獅子會噚日舉辦「無毒一生、燦爛人生」青少年造型設計比賽暨形象show，透過藝術同設計傳遞禁毒信息。警務處長蕭澤頤致辭時... 詳情
【明報專訊】中大醫學院前院長陳家亮和助理院長（發展）黃秀娟今年獲選為歐洲科學院外籍院士，是今年「醫學及獸醫科學」領域僅有來自香港的學者，以嘉...
詳情
【明報專訊】有機構調查發現，低收入家庭兒童近視比率約六成半，逾六成人不懂護眼。調查稱低收入家庭居住空間較狹小，難維持與電子屏幕最佳距離。
...
詳情
相關新聞
