【Emily】引〈再別康橋〉 再詩興大發 吟詩別友好 鄭雁雄：北京見
[2025.06.03] 發表
【明報專訊】中央政府上周五(5月30日)宣布免去中聯辦主任鄭雁雄嘅職務，至今尚未公布佢嘅去向。據Emily了解，鄭雁雄噚日向友好發送信息，引用詩人徐志摩嘅〈再別康橋〉道別：輕輕的我走了，正如我輕輕的來；我揮一揮衣袖，不帶走一片雲彩。
多名建制派噚日收到鄭雁雄嘅信息，裏面有英國劍橋大學刻咗〈再別康橋〉詩句嘅石碑相片。〈再別康橋〉係徐志摩嘅代表作之一，抒發佢對劍橋嘅不捨之情。
人代政協料會獲其他任命
早前自創廣東話打油詩嘅鄭雁雄亦展示文采，喺信息入面話「愛港情未了，履職終有期。若問何所慰，治興已端倪」。佢又感謝「各位戰友、摯友、親友」，仲話日後「北京見」。多名人代、政協同Emily講，雖然未聞鄭雁雄去向，但鄭仲有一段日子先到退休年齡，相信佢會再獲其他任命。
更多港聞
【Emily】軒尼詩道籃球場劃「四分線」 同菲律賓有關？
【明報專訊】鄰近灣仔集成中心嘅軒尼詩道遊樂場近月完成翻新，再度引起網民討論，原因係球場地面劃咗「四分線」區域，而籃球傳統係計3、2、1分，點... 詳情
【明報專訊】昂坪360噚日公布下個禮拜二（10日）起加價，平均加幅6.2%，其中成人來回標準票由270元加到295元（加25元），成人水晶車...
詳情
【Emily】「大灣區號」亮相 地標飛天說故事
【明報專訊】以「發揮香港優勢，建設一流灣區」為設計主題嘅「大灣區號」客機，噚日喺香港國際機場舉行揭幕儀式。呢架飛機嘅特色係機身印咗一啲大灣區... 詳情
相關新聞
