【Emily】六五環境日活動 重慶交棒粵港澳
[2025.06.06] 發表
【明報專訊】噚日係世界環境日，內地稱之為「六五環境日」，每年嘅國家主場活動會由不同內地城市輪流舉行，今年係重慶，下年就到粵港澳三地聯合舉辦，廣東副省長張少康、環境及生態局長謝展寰同澳門環境保護局長葉擴林噚日一齊接過活動會旗。
每年嘅世界環境日由一個國家主辦，今年主辦國係韓國，主題為「Beat Plastic Pollution」(結束塑膠污染)，負責嘅濟州島訂下目標，2040年要消除當地嘅塑膠污染。根據聯合國資料，每年流入海洋生態嘅廢膠有1900萬至2300萬公噸，威脅野外生態。
今年六五環境日嘅主題就係「美麗中國我先行」，根據內地官方說法，活動旨在深入學習宣傳國家主席習近平嘅生態文明思想，展示新時代生態環境保護工作嘅成就，培育弘揚生態文化。
更多港聞
教局開班削資簡介 有校長指無新資訊 有稱助理解 津中議會：氣氛未見激烈
【明報專訊】教育局上周宣布改動中學開班機制及削減營辦資助總額一成的安排。局方昨舉行簡介會，向中小學代表講解兩項新政策詳情，局方稱約800名學... 詳情
相關新聞
