【Emily】公僕招聘明起只接受網上申請
[2025.06.30] 發表
【明報專訊】政府為提升招聘效率，聽日(7月1日)開始招聘嘅公務員職位，除另有指明外，申請人必須透過電子方式提交申請，唔再接納紙本申請。個別職位嘅申請方式會詳列喺招聘廣告中，申請人應按列明方式喺截止日期前遞交申請。
舊年7月底起，助理文書主任、文書助理同二級私人秘書嘅職位申請，只接受喺網上系統遞交申請，今次擴展到全部職位。另外，政府今年5月下旬推行透過電腦考《基本法及香港國安法》測試(學位／專業程度職系)，考生仲可以即場攞到成績。
公務員事務局長楊何蓓茵噚日喺facebook話，以上例子都係善用現有資源同人手，從根本提升招聘效率，提供便利，又話社會對公務員期望不斷提高，希望團隊繼續追求高效，致力提升公共服務嘅效率同效能，為市民帶來更好生活。
更多港聞
【Emily】曾俊華：中大建築碩士畢業生 三成搵到工
【明報專訊】前財政司長曾俊華曾於美國麻省理工學院讀建築，畢業後做過建築師，佢噚日喺社交媒體發文，話上周三（25日）出席中大建築學院第29屆碩... 詳情
【Emily】Chiikawa展覽8月開鑼 主辦方派禮預熱
【明報專訊】日本人氣卡通Chiikawa（吉伊卡哇）大型展覽「CHIIKAWA DAYS」將於8月1日起喺尖沙嘴K11 MUSEA舉行，主辦... 詳情
【Emily】綠色殯葬使用率18.2%去年新高
【明報專訊】食物環境衛生署近年積極推展綠色殯葬，截至上月底，綠色殯葬中央登記名冊有近1.6萬人登記。食環署高級衛生督察李啟倫喺政府新聞網話，... 詳情
教局擬借都大13億建校舍開課程 18自資院校歷年借77億 28億未還
【明報專訊】政府2001年推出「開辦課程貸款計劃」，支援專上院校興建校舍、開辦課程等。根據教育局最新文件，計劃歷來向18間自資院校批出40項... 詳情
相關新聞
