【Emily】科大研發AI醫療平台 校園診所試用簡化流程

[2025.07.30] 發表

【明報專訊】科技大學校園醫務所5月底開始試用由科大自行研發嘅人工智能(AI)醫療平台「SmartCare系統」，協助簡化臨牀治理流程，包括用AI自動生成醫療及證明文件。研究團隊計劃試用半年，預計可以服務1.5萬名師生同職員。

求診者到達診所前，可以透過二維碼進入系統平台，預先填寫求診原因、病史同症狀等資料，方便診所醫護分流。系統支援廣東話、普通話同英文語音輸入功能，可即時轉錄病人同醫護嘅對話，減少醫生嘅文字輸入工作。

系統仲可以自動生成30幾種醫療及證明文件，包括轉介信、處方同醫生紙等，同時醫生可透過AI聊天系統，跟進病人情况。科大話平台仲設有「虛擬患者」功能，可模擬診症諮詢，日後有望應用喺醫學教學，減輕醫護行政負擔。

更多港聞

【明報專訊】由民青局舉辦嘅第三屆「青年節@HK」噚日喺柴灣青年廣場舉行啟動禮。作為《青年發展藍圖》重點項目之一，今年主題圍繞「正向思維」、「... 詳情

【明報專訊】平時主要載遊客觀光嘅「電車全景遊」，下月15日至9月14日會變成「叮叮餐廳」，乘客可以喺車上邊欣賞黃昏景色、邊食酒店級High ... 詳情