【明報專訊】天水圍德怡中英文幼稚園因為無得續租要停辦，超過500個學童新學年要撲學位，德怡家長關注組一直不滿教育局無幫德怡爭取校舍。關注組成員噚日突然fax咗張「訃聞」(圖)畀Emily，Emily睇到嚇一跳，睇真啲原來係「德怡壽終正寢」。 不滿教局 今政總搞追思會 呢張採訪通知真有創意，話德怡「不幸於公曆2014年4月7日零時零分於天水圍嘉湖山莊賞湖居遭逢奪舍」，「享年二十有一」，今日下午喺政府總部搞追思會，「二時三十分化作白鶴仙遊」。關注組成員話到時會著黑衣，又會有神秘儀式，希望德怡可以借屍還魂。咁德怡有乜機會「翻生」呢？Emily知道，校方正籌備由私立獨立幼稚園轉做非牟利，以租用領匯天盛商場附翼嘅舖位繼續辦學，有機會幾個月內就成事㗎喇。
|
| |
| |
;){kind=small}
