【明報專訊】特首梁振英委任李國章出任港大校委會主席，民主黨主席劉慧卿噚日就話，聽到消息第一時間經WhatsApp搵李國章，仲同對方先講�鷙n「新年快樂」。唔通兩人關係咁好？非也，事關卿姐只係先禮後兵，其實係乘機搵李國章追數。話說舊年11月行會成員去立法會同議員午宴，卿姐同李國章有個君子之約，李國章曾當場應承，政府宣布港大校委會主席後，無論自己做唔做到主席，都會應邀到卿姐主持�嚘竷x節目《議會內外》做訪問。

李國章：外地返來再聯絡

當卿姐問李國章幾時找數，點知李國章即刻回覆，話自己身處外地，返來再聯絡佢喎。至於李國章會唔會走數，就要拭目以待�苤A不過Emily相信，如果卿姐同李國章過招，一定會擦出唔少火花。

其實卿姐噚日開記招，主要係宣布正式退下火線，同傳媒講「後會有期」，搞到場面有�禶P傷。點知記者最後補問多句李國章做港大校委會主席呢件事，卿姐立即恢復平日�鴾鶖臐A「我真係好嬲囉」，佢形容呢次係向香港人宣戰。佢仲話，若李國章要整頓港大，第一目標可能係校長馬斐森同管理層，擔心長此下去「香港無運行」。