【明報專訊】8月係大學迎新期，內地大學普遍設有新生軍訓，不過一般容許獲取錄?香港學生自由參與。《北京青年報》報道，清華大學今年強制香港及澳門學生須接受約3星期軍訓，包括野外定向、實彈射擊及防空反恐演練等，今年約有60名港澳台學生參與。有升學專家話，過往聽聞港生對內地大學軍訓有憂慮，擔心被洗腦。 《北京青年報》報道，清華過往新生軍訓容許港澳台學生自願參與，今年更改安排，港澳學生須一齊參加軍訓，台灣學生可自行決定。過往學生軍訓內容分軍事技能訓練同軍事理論教學兩部分，前者包括軍體拳、野外定向、實彈射擊、戰傷自救與互救、防火防空反恐演練等；另須上堂及完成報告。 學友社學生輔導中心總幹事吳寶城話，內地?大學普遍設有新生軍訓，但大多容許港生自己決定係咪參與。佢話曾有中學生同佢講，擔心兩地文化差異，唔適應軍訓；亦有唔傾向參加軍訓?學生話憂慮被洗腦及限制言論自由。 去年有逾3000名港生升讀內地不同大學，每年有20多名港生入讀清華；被問到軍訓會否令有意升讀內地大學港生卻步，吳寶城就話現階段暫未觀察到好多內地大學強制學生軍訓，而且要視乎課程本身吸引力，認為幾星期?軍訓只佔大學生活短時間，影響不大。
|
| |
| |
