【明報專訊】英國國家打擊犯罪調查局(NCA)上周分別發信畀前特首梁振英(CY)同民主黨立法會議員林卓廷，話NCA已停止調查UGL案，CY噚日更喺facebook出咗3個post都係狙擊林卓廷。 CY朝早出post質疑林卓廷一早收到NCA電郵但隱瞞，喺佢公布咗NCA已停止調查後，先「翻查電郵」承認，要求林卓廷公開NCA發電郵時間、林卓廷當時「人在哪裡」，同點樣約見NCA人員；阿廷回應話喺9月8日聲明已回應有關疑點，同時公開9月7日嘅NCA信函，阿廷話喺同NCA會面後，佢同尹兆堅已喺網上公開交代情?，批評梁振英無的放矢，旨在轉移視線，模糊UGL案中收取5000萬元重點。 CY噚晚再出兩個post，其中一個話林卓廷涉嫌向眾籌捐款人隱瞞NCA已停止調查嘅事實，仲話若阿廷以證據具體回答上述3個問題，無論係咪證實阿廷講大話隱瞞，佢保證唔會向執法機關舉報，最後話「林卓廷，球在你的一方」。 Emily喺CY公布NCA停止調查後曾向NCA查詢，噚晚獲回覆話NCA無就針對CY嘅指控展開調查，形容有關指控發生喺香港，喺英國無違法行為，所以唔係NCA嘅事。
|
| |
| |
