【明報專訊】中聯辦主任王志民上周六(4日)被免職，由山西前省委書記駱惠寧接任，至今官方仍未公布王志民嘅去向。似乎呢個人事變動係有啲急，皆因有立法會議員喺上星期仲收到王志民嘅新春賀卡。 醫學界立法會議員陳沛然(Pierre )噚日一度喺facebook上載由中聯辦發出、附有王志民簽名嘅新年賀卡(圖)，上面附有新中國建國70周年嘅郵票，引起網民唔少討論，不過Pierre隨後就刪帖，佢同Emily講，上個星期收到呢張賀卡，但希望專注講武漢肺炎，所以刪帖。 Emily亦有問過民主派嘅立法會議員，但好多泛民議員都話無收到。王志民被免職後，呢張賀卡可以話係「絕版」。另一方面，中聯辦將於下周三(15日)舉行新春酒會，民主派立法會議員暫時未有人收到邀請。
|
| |
| |
;){kind=small}
