【Emily】50版全彩粉紙 唱衰泛民新作揼本
[2020.07.17] 發表
【明報專訊】近期唔少人收到一本唱衰民主派、本土派嘅書冊，名為「亂港黃屍狗圖鑑」，收錄約50個政界中人資料，抹黑佢哋有咩「罪狀」、 點樣「亂港」。書冊無註明出處，封面用咗寵物小精靈比卡超嘅圖畫，內頁就用咗唔少新聞相片，幾可肯定有盜版成分。
封面用比卡超圖畫 疑似盜版
書冊全彩色粉紙製作，有50幾版，十分揼本。書中將「亂港」政團分類，好似「白鴿系」、「公賊系」、「眾伏系」、「激進毒系」等。書冊雖則係抹黑，但刊出嘅人物相片，大部分其實幾靚樣，只係介紹岑子杰時刻意攻擊佢嘅性取向，登出佢喺活動中扮女人嘅相。書冊亦搞起底，展示部分人嘅年輕相片，好似學生時代嘅公民黨鄭達鴻、楊岳橋；介紹民主黨劉慧卿時，又幫大家重溫佢著經典吊帶裙嘅相。
書冊都有介紹新生代靚女，好似梁凱晴、黃子悅，批評佢哋賣外表，但又專登出佢哋沙龍靚樣相，然後又質疑真人同相片唔同喎。
更多港聞
【明報專訊】《施政報告》10月公布，特首林鄭月娥話今年因為疫情，未能啟動有關工作或舉行諮詢會，但佢會選出大約10個大題目，邀請「持份者」到禮...
詳情
【明報專訊】立法會選舉聽日至31日接受提名，但政府新實施限聚令，唔准超過4人聚集，就令唔少參選人頭痛。選舉事務處同Emily講，報名參選屬政...
詳情
相關新聞
