【明報專訊】特區政府上周二向以色列發出黃色旅遊警示，搞到立法會工商事務委員會原定嘅8月外訪以色列行程要取消，但Emily就聽聞，各黨派議員喺暑假都已經計劃唔同搞作。好似民建聯葉國謙上星期五晚已飛去巴西睇世界盃冠軍戰；經民聯石禮謙今個星期亦會出發去溫哥華放暑假，同孫女騎馬、釣魚。 葉國謙飛巴西睇世盃 建築、測量及都市規劃界議員謝偉銓(Tony)，就計劃帶業界訪問江西省井岡山，一共去5日。井岡山係共產黨嘅「革命搖籃」，中共已故領導人毛澤東就係喺井岡山創建咗第一個農村革命根據地，Tony點解會帶業界去井岡山？佢話因為好多人只係聽過無去過。佢話今次會有20幾個人，主要有建築師等業內人士，想去睇名人故居同風景。 民記赴美探華僑 民建聯暑假亦會出團，上年主席譚耀宗帶隊去加拿大探當地華人，黨內覺得幾有成果，於是食過翻尋味，今年將帶團去美國拜會當地華人，鞏固吓支持者。
|
| |
| |
;)
