陳茂波陪行會遊大嶼 今訪莫斯科
[2014.12.09] 發表
【明報專訊】發展局長陳茂波噚日陪林煥光、李國章、羅范椒芬等9個行政會議非官守成員去大嶼山考察。佢哋去咗東涌參觀港珠澳大橋工程資訊中心，同舊大澳警署活化而成嘅大澳文物酒店，聽咗大嶼山做緊或計劃做嘅大型工程匯報，又搭船視察大澳棚屋同港珠澳大橋，仲去咗長沙海灘一帶，了解南大嶼旅遊康樂方面嘅發展潛力，大嶼山一日遊，行程豐富。
陳茂波去完大嶼山做導遊之後，今日起程去俄羅斯莫斯科，出席當地第四屆城市論壇及城市發展國際諮詢委員會會議，同城市規劃及市區發展嘅官員、專家交流城市規劃經驗，周六(13日)返香港。陳茂波仲會喺莫斯科城市論壇演講，分享香港城市發展經驗。渠務署長鍾錦華同起動九龍東專員區潔英都會去。
更多港聞
【明報專訊】有意見指新高中學制推行後，修讀中史科的學生大幅減少，建議將中史科列為必修。教育界立法會議員葉建源指出，中史科考生人數確有下跌，但...
詳情
相關新聞
