【明報專訊】官恩娜(Ella)懷孕3個多月，日前獨自外出時竟然被無品途人推撞，差點令她跌倒！官恩娜被嚇到當場大叫，但那對出手推人的男女竟然當沒事發生般直行直過，半點歉意也沒有。為了腹中孩子的安全，Ella昨午去街市買餸時，中法混血丈夫Juan-Domingo Maurellet全程陪伴左右，充當妻兒的貼身保鑣！ 練定對白防範 事後，Ella將自己和遮了樣的老公合照放上網，留言說：「神秘人同我去街市買餸！主要係幫我攞嘢同保護我！嗰日出街畀一對好眉好貌嘅男女一手推開我……推到我單腳離地差啲仆親！ 我即刻大叫小心啲呀我有咗BB㗎！點知嗰對男女一樣係poker face直行直過……好彩我身手敏捷但都係嚇到驚魂未定……之後心裏面係咁諗……如果下次有人推我……我應該講咩嘢對白！」 Ella的對白包括「搞錯呀！大肚婆都推」、「無陰功呀！有人推大肚婆呀」、「乜你哋心地咁差㗎！人哋粗身大勢都唔放過」及「 睇住呀」﹗她表示已誇張地演繹過這些對白幾次，但希望不會再遇到類似情况。大批網友留言叫Ella小心，甚至提議她改去別的街市。 記者：孫慧莊
|
| |
| |
;){kind=small}
;)
