【明報專訊】一場無情火，令高級消防隊長張耀升及消防隊目許志傑殉職，消防處長黎文軒上周四面對傳媒講及殉職同袍時一度激動落淚，消防處職工總會主席聶元風憶述當晚，透露黎文軒早在醫院得悉許志傑死訊時已崩潰痛哭多次，「佢好唔想再有兄弟出事，唔明點解做咗咁多嘢，都仲有人殉職，作為處長，好難接受」。 張耀升殉職後 下令「進攻」時間減半 迷你倉發生大火後不足24小時，執行煙帽隊職務的高級消防隊長張耀升殉職。黎文軒隨即下令，進入火場「進攻」的煙帽隊人員，由原來逗留30分鐘減至15分鐘，亦聽從工會意見從學院調動風扇到現場，提供電解質飲品及毛巾予前線降溫及恢復體力等，「大火之初，指揮層集中於救火，加上以往茶水車有水已足夠，所以忽略了後勤支援」，聶元風認為，不能因而斷言指揮層管理不當。 聶元風說，大火期間黎文軒不時到現場，亦緊隨屋宇署親自視察工廈，確保其結構安全，「不想樓宇有危險要兄弟送死」，「黎sir唔係其他部門調入嚟，係同我哋出生入死下坐呢個位，佢無顧住涼冷氣唔理兄弟」。張耀升殉職當晚，黎文軒情緒低落得默不作聲、「好傷好憔悴」，未料兩日後另一手足許志傑殉職。聶說當晚黎得悉有同袍受傷後隨即趕至醫院：「佢不斷同許sir講：『撐住啊！兄弟！』，可惜最後救唔番。佢完全崩潰，接受唔到現實，同其他兄弟、家屬一齊痛哭。」
|
| |
| |
;){kind=small}
;)
