【明報專訊】醫管局噚日舉行一年一度新春長跑，吸引超過5500人參與，仲舉辦「反斗服裝大比併」，醫管局行政總裁梁栢賢(PY)、主席梁智仁一齊扮鬼扮馬，化身「星球大戰」中嘅天行者Luke，玩埋一份。 黑武士莉亞公主登場 今年新春長跑由沙田威爾斯親王醫院起跑，經城門河再跑返去醫院，仲有搞服裝比賽，九龍中醫院聯網人員大玩cosplay，扮演「星球大戰」角色，白兵、黑武士齊齊登場，其中物理治療部經理劉慕儀就化身「莉亞公主」，主席梁智仁、PY見到都好投入一齊玩。其他隊伍都好有創意同應節，有人趁雞年扮雞，有人化身「比卡超」，真係好熱鬧。 為基金籌得逾104萬元 今次長跑賽事有3個項目，包括11公里及6.5公里比賽，仲有主席邀請賽，為醫管局慈善基金籌得超過104萬港元。食物及衛生局常任秘書長聶德權、醫管局總行政經理劉少懷、新界東醫院聯網總監羅思偉、天水圍醫院行政總監楊諦岡等都有出席。
|
| |
| |
;){kind=small}
;)
