政協盧文端參選人代？
[2017.11.25] 發表
【明報專訊】港區全國人大代表選舉提名期噚日開始，唔少有意參選者好似反佔中律師陳曼琪等，都去到上環嘅參選人登記處交提名兼報名，全國政協外事委員會副主任盧文端(中)噚日突然現身，一到場就同在場記者講笑咁話：「嚟報名」，其實佢係嚟拎提名表格。
盧文端話，由於星期三當日全國工商聯合會有個換屆選舉，所以無出席港區人代首次選舉會議，無拎到提名表格。佢噚日特登上嚟拎，簽啲提名畀支持嘅參選人，佢仲關心有咩人噚日搶閘報名。
盧文端在場期間，爭取連任人代嘅張明敏啱啱好就坐喺佢旁邊交緊提名表正式報名。不過盧文端就唔係好為意，發現咗之後，仲問張明敏搞緊乜。
更多港聞
相關新聞
