補選開支187萬 陳家珮幫襯張國鈞 盛惠5500元
[2018.05.15] 發表
【明報專訊】立法會補選參選人近日陸續申報選舉開支，選舉事務處噚日公布多兩人嘅開支，其中落選港島嘅新民黨陳家珮(Judy)花逾187萬元，幾乎全數由新民黨支付，自己出資不足6000蚊。Judy選前曾指控對手區諾軒竄改佢嘅競選口號，向對方發律師信並向廉署舉報；文件顯示，原來Judy當時係搵咗民建聯立法會議員張國鈞任合伙人嘅律師事務所發信，事務所亦派人陪Judy去廉署，相關服務盛惠5500元。
違例橫額被食環罰2000多元
網上宣傳喺現今選舉必不可少，Judy今次補選同樣緊貼時代，花咗9.9萬元喺facebook宣傳，包括催谷宣傳片同貼文，並用咗近5萬元喺Google落廣告。過去唔少參選人都因為違例擺設宣傳橫額被食環署罰款，Judy亦唔例外，被食環署罰咗2000幾元。
黃成智每票花132元
另外，以低票落選新界東嘅無黨派黃成智，今次補選開支逾77萬元，計埋因得票率不足而被沒收嘅5萬元選舉按金，共花逾82萬元，如果除番佢所得嘅6182票，即係每花132元先攞到1票，可謂票票皆辛苦。黃成智共獲兩筆各20萬元嘅選舉捐贈，其中一筆來自佢細佬黃成榮，黃成智自己就要自資42萬元。
更多港聞
女青推5天暑期體驗工作 DSE生優先 每天300元津貼
【明報專訊】臨近暑假，不少應屆中學畢業生或會投身職場，惟大部分人找工作時可能無從入手。香港基督教女青年會今年提供5天暑期實習計劃，有逾100... 詳情
【明報專訊】立法會兒童權利小組上月討論跟進缺課學童措施，教育局昨向立法會提交進一步回應，會以新機制跟進缺課學童，將徹底跟進每宗缺課個案，定期...
詳情
【明報專訊】樂基幼兒學校（碧濤）開辦至今5年，近日向家長發通告，指因與華懋集團的校舍租約將於明年8月屆滿，並獲通知華懋集團將出售校址物業，校...
詳情
相關新聞
