買完斷捨離 港人要花107個月
[2018.06.09] 發表
【明報專訊】Emily平時開心買嘢，唔開心又買嘢，但買完又唔捨得掉，搞到一屋都係嘢。有機構調查發現，好多香港人同Emily一樣，唔捨得掉嘢，平均存放超過100個月先至會丟棄或者轉贈，比日本人存放時間多近13倍，建議港人要斷捨離！
香港北區青年商會聯同日本同台北嘅青年組織，喺今年3月12日開始做調查，為期1個月，分別喺香港、日本同台灣做網上問卷。最終收集到946份有效問卷，發現香港人喺買咗嘢之後，無論有無用過，平均存放喺屋企嘅時間，達到107.11個月；台灣人差唔多，有101.01個月；日本人就相對願意掉嘢，只會存放7.83個月。三地都有超過一半受訪者話，唔處理或者無掉，係覺得有機會再用。Emily就覺得，香港寸金尺土，都係送啲嘢出去好啲。
更多港聞
相關新聞
