劉佩瓊：劉曉波寫?一塌糊塗
[2018.07.21] 發表
【明報專訊】前港區人大代表劉佩瓊噚日喺書展出席新書分享會，畀與會者問到應該點讀中國歷史，佢突然批評已故諾貝爾和平獎得主、《零八憲章》發起人劉曉波對國家歷史冇基礎知識：「劉曉波寫嘅嘢一塌糊塗，又要聯邦制、一人一票選舉，14億人點樣一人一票選到一個人出來呢？冇可能。」
批冇知識 攞和平獎「太荒謬」
劉珮瓊又用中史做例子，話自秦始皇以來，已經攞到春秋戰國嘅教訓，國家一定要統一，而中國各地貧富不均，如果國家唔理，有錢地方繼續有錢，窮嘅地方繼續窮，聯邦制會出現戰爭禍害，冇可能和平。
劉佩瓊話，𠵱家國家財政由中央集權管理，建高鐵都係國家出錢，有咗交通基建，解決地方發展不均嘅問題，「8級地震復元都好過美國，就因為有好嘅政府制度」。
佢最後再批評劉曉波「讀少少美國嘢、西方嘢，就照抄話中國要咁做，仲要國際人士逼中國咁做，乜嘢叫愛國呀？冇基礎知識，然後指?指?，就攞諾貝爾和平獎，真係太荒謬」。佢又話，讀歷史就知點解國家領導人提出「四個自信」，國家將來發展，要回顧歷史得失，要取捨同改善先令到國家同人民享受到和平、富強。
更多港聞
【明報專訊】唔少議員都會趁暑假外遊叉叉電，而資訊科技界議員莫乃光（Charles）同公民黨黨魁楊岳橋（AY）8月初會去美國矽谷，考察個幾星期...
詳情
相關新聞
