首次境外展出 明朝御瓷臨中大
[2018.09.03] 發表
【明報專訊】中文大學文物館聯同景德鎮御窰博物館合辦「填空補白II：考古新發現明正統、景泰、天順御窰瓷器」展覽，即日起至12月16日展出博物館珍藏嘅158件明朝御窰瓷器，據Emily了解，呢批瓷器係近年先整理同修復完畢，仲係首次喺境外展出。
今次展品主要屬明朝正統、景泰、天順三朝(1436-1464)嘅御瓷，其實當時政局動盪，御瓷不落正規年款，所以令明代陶瓷史嘅研究工作更加困難，學界稱之為「黑暗期」或「空白期」。不過，2014年喺「瓷都」景德鎮珠山發現咗大量三朝嘅御窰瓷器，證明當時嘅生產未有停滯，發現有助學界研究呢個空白期嘅瓷器。文物館同時舉辦研討會及體驗工作坊畀公眾報名參與，認識明代御瓷歷史。
更多港聞
相關新聞
