一天用80蚊 邵家臻體驗綜援生活

[2018.10.05] 發表

【明報專訊】如果一日只得80蚊可以用，你會點過？社福界立法會議員邵家臻近日上載《八十元的一天》短片，原來一個單身健全成年人綜援標準金每日大約有80元，阿臻就試下用80蚊生活一日。

領取綜援人士要參加社署嘅自力更生計劃，要去搵工同就業，所以交通費係必要開支。阿臻喺短片內拎住80蚊去搭車搵工，回來車資已經用咗24元，剩番56元食午餐同晚餐，但百物騰貴，點食兩餐？阿臻去茶餐廳睇到食一個四寶飯都要30幾，即使搵到20幾蚊一餐飯，但扣完膳食費都唔夠交租。

政府有提供租金津貼1835元，但唔會支付租金按金同搬遷費，劏房都要3000幾蚊，即使牀位都要2000蚊，阿臻質疑租到咩樓。

以前領取綜援人士如有需要換眼鏡，可向社署申請眼鏡津貼，但1999年已取消計劃，即係換眼鏡要自費。

阿臻批評「一日得$80點處理晒所有生活需要？$1835可以租到咩樓？」原來政府嘅綜援基準自1996年從未檢討過，佢希望藉影片喚起社會對香港社會保障制度嘅關注。

更多港聞

【明報專訊】香港迪士尼樂園今個月底第一次參加美酒佳餚巡禮，到時會推出3款菜單，有中西式點心兼甜點，每款都有卡通人物，其中三眼仔菜肉包原來好難... 詳情

【明報專訊】「為何只有媽媽接你放學，你爸爸呢？」同學不經意的問題，或許會觸碰離異家庭小朋友心靈最脆弱的部分。有葵涌區小學有見愈來愈多離異家庭... 詳情

【明報專訊】近年教育界大力推廣正向教育，基督教香港信義會葵盛信義學校聯同另外4間小學組成聯網，並獲商界資助，推動為期3年的「聯校正向教育推展... 詳情

【明報專訊】離異家庭小朋友大多因父母分居、喪偶、離婚等原因，與單親父或母同住，根據統計署2016年有關單親人士的報告，已離婚或分居的單親人士... 詳情

【明報專訊】中文大學與美國史丹福大學合作，明學年（2019至2020年）將有約20名史丹福大學學生到中大留學，屆時可選修中國科學與科技及中國... 詳情