8名人薦好書 教局常秘提輕生故事
[2019.01.31] 發表
【明報專訊】教育局同香港電台聯合製作嘅閱讀推廣短片《喜閱一生(名人好書推介)》，系列共有8齣3分鐘短片，噚日首播，分別由8個名人，包括中文大學前校長沈祖堯、立法會前主席曾鈺成及教育局常任秘書長楊何蓓茵等，分享閱讀經驗並推介好書。楊何蓓茵喺首集短片，形容閱讀能令人離開身處嘅環境，經歷其他時間同空間，為日常生活帶來更多經歷。
楊何蓓茵分享一則少女嘗試輕生嘅故事，寄語大家珍惜生命。佢介紹去年9月一期《國家地理雜誌》嘅封面故事，內容講述美國一名18歲女子因為一時衝動自殺，雖然最後救得番，但失去整張臉，要接受換臉手術，幸手術成功，家人亦願意長期照顧佢。楊何蓓茵寄語大家，自殺係一瞬間嘅事，如果一剎那衝動後能冷靜落嚟，其實係可以作出截然不同嘅決定。
更多港聞
【明報專訊】小三全港性系統評估（TSA）今年第二年「抽樣考」，每校抽10%學生應考，學校亦可選擇全級應考，惟考評局拒透露涉及學校數目。教育局...
詳情
相關新聞
