五大行會成員 任志剛評分及格
[2019.04.26] 發表
【明報專訊】港大民研3至4月分兩階段做行政會議成員民望調查，結果顯示，對比5個月前，以熟悉程度計，葉國謙取代李國章進入五大行會成員。五大行會成員中，任志剛、葉劉淑儀同羅范椒芬嘅評分都上升，湯家驊嘅評分下跌，當中只有任志剛評分變化超過抽樣誤差，亦係唯一評分超過50分嘅行會成員(58.1分)。
排名方面，任志剛繼續第一，葉太同湯家驊互換位置分別排名第二及第三，羅范椒芬繼續排名第四，新上榜葉國謙排第五。葉太嘅評分為48.3、新上榜嘅葉國謙就有41分。港大民研話，躋身五大行政會議成員先決條件係巿民嘅熟悉程度，再按支持度排名。
調查分兩階段，3月14至19日先訪問1024人得出知名度最高嘅五大議員；第二階段則喺4月8至11日訪問1012人，為各人評分。港大民研早前宣布下個月4號會脫離港大成為獨立機構，日後需要民間贊助先會做民調，所以今次行會成員評分調查，屬於有關系列最後一次，日後能否繼續屬未知之數。
更多港聞
相關新聞
