【Emily】屯馬線一期試車 料下月通車
[2020.01.08] 發表
【明報專訊】屯馬線一期由大圍站至啟德站(其中顯徑及啟德兩個新站啟用)預計首季通車，港鐵最近開始試營運。由鐵路愛好者管理嘅facebook專頁「Riders」噚日撰文，話港鐵近期安排馬鞍山線列車，由烏溪沙去到大圍之後，要繼續駛到啟德再掉頭，即係行埋準備通車嘅屯馬線一期，預計試車6個禮拜，2月中正式通車。Emily向兩名港鐵車長朋友打聽過，都證實有咁嘅試車安排。港鐵回覆查詢時就無正面回應試車安排同通車時間，只係話屯馬線一期正在試營運，逐步為鐵路、列車服務與車站設施等不同系統做運作測試，其間員工亦會「實習」，為通車做準備。
馬鞍山線列車駛到啟德試車
反修例風波中港鐵部分車站設施被破壞，唔少人都留意到，最近港鐵除咗喺部分車站嘅出入口加裝鐵板，亦改動客務中心設計。Emily問過港鐵，佢哋話車站出入口有玻璃損毁，安裝金屬板係臨時復修安排；至於客務中心嘅改動，港鐵話團隊因應受損情况及風險評估，採取臨時復修及保護措施，包括安裝膠板，或者為個別開放式客務中心加高膠圍板，例如調景嶺站、佐敦站、太古站及太子站等。
屯馬線一期包括顯徑站同啟德站等新站，Emily曾參觀啟德站，都有唔少玻璃設計，港鐵會唔會因應社會情况而封咗啲玻璃先通車呢？港鐵無正面回應呢個提問。香港鐵路工會聯合會副主席譚建釗話，希望港鐵喺屯馬線一期加強保安同站務人手，保障員工安全，亦應該試清楚信號系統先通車。
更多港聞
【Emily】「清水?」標示現路面 繁體俗字？
【明報專訊】繁體簡體字之爭係近年熱話，西貢區議員何偉航噚日喺facebook上載圖片，話收到村民反映，西貢公路南圍與鄭植之中學之間一段上斜路... 詳情
城大分析本地報章見報率 特朗普第一習近平第三 新聞人物榜多關反修例 林鄭居亞
【明報專訊】2019年已終結，城大翻譯及語言學系榮休教授鄒嘉彥每年以系統分析京港台新聞人物見報率。據其統計首25位，2019年於本港報章見報... 詳情
【明報專訊】「網上校管系統」（WebSAMS，下稱「系統」）為教育局開發的應用系統，支援學校的行政和管理工作，並讓學校和教育局以電子方式互相...
詳情
相關新聞
