【Emily】「點對得住前線醫護」 斥工務組開會 陳淑莊林鄭上身
[2020.03.26] 發表
【明報專訊】民主派議員早前要求立法會停開所有同疫情無關嘅會議，工務小組委員會主席盧偉國噚日選擇繼續開會，審議港鐵沙中線工程追加嘅86.9億元撥款，但兩個鐘會議完結時都未通過。特首林鄭月娥日前眼濕濕咁問違反檢疫令嘅人「對唔對得住醫護」，泛民噚日就借用嚟問盧偉國同出席會議嘅運房局長陳帆，話呢個時候照開會「對唔對得住醫護」。
民主黨胡志偉批評沙中線追加撥款冇迫切性，即使工務小組通過咗，喺財會都要排隊。公民黨陳淑莊激動咁問：「陳帆局長你點對得住醫護？」佢話醫護叫大家留喺屋企，香港咁耐無爆發係萬幸，如果立法會呢度爆發就好大件事；又問「點解淨係工程界有工開最緊要呀？咁醫護呢？佢哋一路都係服務緊呀」。
陳帆話全城抗疫下有啲項目要持續，若然喺今屆立法會拎唔到撥款，工程會喺今年10月財政乾枯，牽涉2000幾個工人，對香港整個經濟好大影響。佢又話明白要保持社交距離，「大家開會珍惜時間，縮短啲、精簡啲都有幫助」。
盧偉國就回應話工程界唔止對得住醫護，更加係緊密伙伴，例如日以繼夜建設組裝合成嘅檢疫中心，希望議員唔好製造社會分化。
更多港聞
【Emily】政協見梁家榮 促停頭條新聞鏗鏘集
【明報專訊】幾名港區全國政協委員噚日同廣播處長梁家榮會面，投訴港台節目《頭條新聞》同《鏗鏘集》，要求取消兩個節目。政協委員、公營廣播關注組召... 詳情
【Emily】公民黨撐泛民初選 「唔會輸打贏要」
【明報專訊】立法會選舉將喺9月舉行，民主派嘅目標係取得過半數議席（35席以上）。公民黨噚日開記者會，強調會「義無反顧」支持民間嘅協調工作，亦... 詳情
【明報專訊】政府部門再次在家工作（WFH），但區議員繼續服務社區無得停，政府行政程序慢咗，對資源較少嘅民主派議員而言都係負擔。南區區議員袁嘉...
詳情
【Emily】民記調查：16％人口罩唔夠一周用
【明報專訊】疫情持續，雖然市面口罩價格稍為回落，但民建聯3月中用電話訪問1369名市民，發現過半人（54%）屋企口罩存貨唔夠一個月，16%甚... 詳情
【明報專訊】民主黨立法會議員許智峯兩年前喺立法會大樓內搶去保安局女高級行政主任嘅手機，阿峯當時質疑政府派「狗仔隊」記錄議員喺大樓內嘅出入行蹤...
詳情
相關新聞
